Claudio Monteverdi
Vespro della Beata Vergine (1610)
1. Versiculum et Responsorium: "Deus, in Adiutorium"
(Psalmus 62,9)
Versiculus
- Deus in adiutorium meum intende
Responsorium
- Domine ad adiuvandum me festina
Gloria Patri, et Filio, et Spiritui Sancto:
Sicut erat in principio, et nunc, et semper,
Et in saecula saeculorum.
Amen. Alleluia.
2. Psalmus I: "Dixit Dominus"
(Psalmus 109)
Dixit Dominus Domino meo:
Sede a dextris meis
Donec ponam inimicos tuos
Scabellum pedum tuorum.
Virgam virtutis tuae
Emittet Dominus ex Sion,
Dominare in medio inimicorum tuorum.
Tecum principium in die virtutis tuae,
in splendoribus sanctorum:
Ex utero ante luciferum genui te
Iuravit Dominus et non paenitebit eum:
Tu es sacerdos in aeternum
Secundum ordinem Melchisedech.
Dominus a dextris tuis,
Confregit in die irae suae reges.
Iudicabit in nationibus, implebit ruinas,
Conquassabit capita in terra multorum.
De torrente in via bibet,
Propterea exaltabit caput.
Gloria Patri, et Filio, et Spiritui Sancto:
Sicut erat in principio, et nunc, et semper,
Et in saecula saeculorum. Amen.
3. Concerto: "Nigra sum", a voce sola
(Canticum Canticorum 1,4; 2,3; 2,11-12)
Nigra sum, sed formosa,
Filiae Ierusalem.
Ideo dilexit me rex
Et introduxit me in cubiculum suum
Et dixit mihi:
Surge, amica mea, et veni
Iam hiems transiit,
Imber abiit et recessit,
Flores apparuerunt in terra nostra.
Tempus putationis advenit.
4. Psalmus II: "Laudate Pueri", a 8 voci
(Psalmus 112)
Laudate, pueri, Dominum:
Laudate nomen Domini.
Sit nomen Domini benedictum:
ex hoc nunc, et usque in saeculum.
A solis ortu usque ad occasum:
laudabile nomen Domini.
Excelsus super omnes gentes Dominus:
et super caelos gloria eius.
Quis sicut Dominus, Deus noster,
qui in altis habitat:
et humilia respicit in caelo et in terra.
Suscitans a terra inopem:
et de stercore erigens pauperem.
Ut collocet eum cum principibus:
cum principibus populi sui.
Qui habitare facit sterilem in domo:
matrem filiorum laetantem.
Gloria Patri, et Filio, et Spiritui Sancto:
Sicut erat in principio, et nunc, et semper,
Et in saecula saeculorum. Amen.
5. Concerto: "Pulchra es", a 2 voci
(Canticum Canticorum 6,3-4)
Pulchra es amica mea, suavis
et decora filia Ierusalem.
Pulchra es amica mea, suavis
et decora sicut Ierusalem
terribilis ut castrorum acies ordinata.
Averte oculos tuos a me
quia ipsi me avolare fecerunt.
6. Psalmus III: "Laetatus sum", a 6 voci
(Psalmus 121)
Laetatus sum in his quae dicta sunt mihi:
in domum Domini ibimus.
Stantes erant pedes nostri:
in atriis tuis Ierusalem.
Ierusalem que aedificatur ut civitas:
cuius participatio eius in idipsum.
Illuc enim, ascenderunt tribus, tribus Domini:
testimonium Israel
ad confitendum nomini Domini.
Quia illic sederunt sedes in iudicio:
sedes super domum David.
Rogate quae ad pacem sunt Ierusalem:
et abundantia diligentibus te.
Fiat pax in virtute tua:
et abundantia in turribus tuis.
Propter fratres meos et proximos meos:
loquebar pacem de te.
Propter domum Domini Dei nostri:
quaesivi bona tibi.
Gloria Patri, et Filio, et Spiritui Sancto:
Sicut erat in principio, et nunc, et semper,
Et in saecula saeculorum. Amen.
7. Concerto: "Duo Seraphim", a 3 voci
(Isaie 6,3 / Jean I,5,7-8)
Duo Seraphim clamabant alter ad alterum:
Sanctus, sanctus, sanctus Dominus Deus Sabaoth.
Plena est omnis terra gloria eius.
Tres sunt qui testimonium dant in coelo
Pater, Verbum et Spiritus Sanctus
et hi tres unum sunt.
Sanctus, sanctus, sanctus Dominus Deus Sabaoth.
Plena est omnis terra gloria eius.
8. Psalmus IV: "Nisi Dominus", a 10 voci
(Psalmus 126)
Nisi Dominus aedificaverit domum:
in vanum laboraverunt qui aedificant eam.
Nisi Dominus custodierit civitatem:
frustra vigilat qui custodit eam.
Vanum est vobis ante lucem surgere:
surgite postquam sederitis
qui manducatis panem doloris.
Cum dederit dilectis suis somnum:
ecce haereditas Domini filii
merces fructus ventris.
Sicut sagittae in manu potentis:
ita filii excussorum.
Beatus vir
qui implevit desiderium suum ex ipsis:
non confundetur cum loquetur
inimicis suis in porta.
Gloria Patri, et Filio, et Spiritui Sancto:
Sicut erat in principio, et nunc, et semper,
Et in saecula saeculorum. Amen.
9. Concerto: "Audi coelum", a 6 voci
Solo
Audi coelum verba mea
plena desiderio, et perfusa gaudio.
- Audio!
Dic quaeso mihi:
quae est ista quae consurgens
ut aurora rutilat ut benedicam?
- Dicam!
Dic, nam ista pulchra ut luna
electa ut sol replet laetitia
terras, coelos, maria.
- Maria!
Maria Virgo illa dulcis
predicta a Prophetis Ezechiel
porta Orientalis.
- Talis!
Illa sacra, et felix porta
per quam mors fuit expulsa
introduxit autem vita.
- Ita!
Quae semper tutum est medium
inter hominem et Deum
pro culpis remedium
- Medium.
Omnes!
Chorus
Omnes hanc ergo sequamur
qua cum gratia mereamur
vitam aeternum. Consequamur
- Sequamur!
Praestet nobis Deus
Pater hoc et Filus et mater
cuius nomen invocamus dulce
miseris solamen.
- Amen!
Benedicta es, Virgo Maria
in saeculorum saecula.
10. Psalmus V: "Lauda, Jerusalem", a 7 voci
(Psalmus 147)
Lauda, Ierusalem, Dominum:
lauda Deum tuum Sion.
Quoniam confortavit seras portarum tuarum:
benedixit filiis tuis in te.
Qui posuit fines tuos pacem:
et adipe frumenti satiat te.
Qui emittit eloquium suum terrae:
velociter currit sermo eius.
Qui dat nivem sicut lanam:
nebulam sicut cinerem spargit.
Mittit crystallum suum sicut buccellas:
ante faciem frigoris eius quis sustinebit?
Emittet verbum suum et liquefaciet ea:
flabit spiritus eius et fluent aquae.
Qui annuntiat verbum suum Iacob:
iustitias et iuditia sua Israel.
Non fecit taliter omni nationi:
et iuditia sua non manifestavit eis.
Gloria Patri, et Filio, et Spiritui Sancto:
Sicut erat in principio, et nunc, et semper,
Et in saecula saeculorum. Amen.
11. Sonata sopra "Sancta Maria ora pro nobis", a 8 voci
Sancta Maria, ora pro nobis.
12. Hymnus: "Ave maris stella", a 8 voci
Ave maris stella Dei Mater alma,
Atque semper Virgo Felix coeli porta.
Sumens illud Ave Gabrielis ore,
Funda nos in pace Mutans Evae nomen.
Solve vincla reis Profer lumen caecis
Mala nostra pelle Bona cuncta posce.
Monstra te esse matrem, Sumat per te preces,
Qui pro nobis natus Tulit esse tuus.
Virgo singularis Inter omnes mitis
Nos culpis solutos Mites fac et castos.
Vitam praesta puram Iter para tutum:
Ut videntes Iesum Semper collaetemur.
Sit laus Deo Patri, Summo Christo decus,
Spiritui Sancto, Tribus honor unus.
Amen.
13. Magnificat a 7 voci e 6 strumenti
(Luc 1,46-55)
Magnificat anima mea Dominum.
Et exultavit spiritus meus:
in Deo salutari meo.
Quia respexit
humilitatem ancillae suae:
ecce enim ex hoc
beatam me dicent omnes generationes.
Quia fecit mihi magna
qui potens est:
et sanctum nomen eius.
Et misericordia eius a progenie in progenies:
timentibus eum.
Fecit potentiam in brachio suo:
dispersit superbos mente cordis sui.
Deposuit potentes de sede:
et exaltavit humiles.
Esurientes implevit bonis:
et divites dimisit inanes.
Suscepit Israel puerum suum:
recordatus misericordiae suae.
Sicut locutus est ad Patres nostros:
Abraham et semini eius in secula.
Gloria Patri, et Filio, et Spiritui Sancto:
Sicut erat in principio, et nunc, et semper,
Et in saecula saeculorum. Amen.
|
